Contoh Cerama Ogi

Contoh Cerama Ogi

Assalamu alaikum warahmatullahi wabarakatu.

Sukkuruki mappuji tenrigangka lao ri olo arajanna Puang Allahutaala,nasabaq pammase-Na nennia pabbere-Na na nawerengi awatangeng nennia adisingeng na topada engka pasilennerengi gauq “Pestival Budaya Tradisional Se-Sulawesi Selatan 2.”

Tau maleqbiku Dewan Juri ,nennia sinning engkae hadereq.

Rideqnanapa naupatterui ada-adakku leqbi riolo maraja dampekka,nasabaq ia tettong riolo aleqbiretta maneng,tiwi akkatta maeloq paletturekki ada-ada apparingerrangeng ri passalenna,”Limpo Atuongetta” na sitongenna deqpa usitinaja ia maelo paletturekki,nasabaq ia tettong ri olo aleqbiretta engkamupa ri laleng mattuntu paqdissengeng na temmaega mupa paqdissengeng uappunnai.Naekia,tarona naulettukekki ,nasabaq iyaro riasenge paqdissengeng “lallo tassidapi” bettuanna weqdingi paqdissengeng nappunnaie seqdie tau naekia deq tosi nappunnai tau lainge,makkutoparo sibalerenna.Narimakkuanna na ro naparellunni sitawa-tawa paqddissengeng.

Tau maleqbiku engkae hadereq.

Passaleng “Limpo Atuongetta”parellu laqdei upangolo,oncopasa lao riolona rangeng-rangekku anaq pattola ri makkukkuange.Nasabaq magai? Sabaqna agi-agi ripeneqdingie ri makkukkuange ri passalenna aengkangenna peretiwie ,engkai ri laleng mappataqgerring kering.Peretiwi rionroie nennia sininna anu makkenyawae ,pada-padanna olokoloq,tanettaneng pedeq engkani macaweq ri apuppurenna nasabaq masolannana limpo atuongetta pedeq lao esso pedeq engkai pedeq ri laleng asolangenna.

Pura riajeppuini makkedae agaro riaseng limpo atuongeng nennia pekkoga gauqta barakkuammengi engkaki tette mampiriwi na rijampa apulanangenna.

Agi-aginna limpo atuongeng pada-padanna watu-watue,uwae nennia pada-padanna hawae,pella kecceqe nennia anu makkenyawae iya engkae ri limpota pada-padanna tanettanenge nennia olokoloqe na ajaq to nariallupai aleta muttamato ri kuae ro.

Agi-aginna limpo atuongetta iya puraenna upaletturekki masseq i assiraga-raganna nennia punnai assimellereng pole riseqdie lao ri anu lainge.Rupa tau,olokoloq nennia tanettaneng, tempeddingi tuo mannennungeng narekko agi-aginna engkai ri laleng asolangeng nennia riapuppurenna.Rapanna tempeqdikki tuo narekko tengengka uwae,olokoloq,nennia tanettaneng.

Rangeng-rangekku iya engkae ri laleng assipaddio-rionge.

Marilaleng maeloq upalettukekki,iya muttamae to passabareng pole ri asolangenna limpota.Ri liputa tegi-tegini mompo abalaq e .Pada ritani labu-labu wae matanna seqdie tau nasabaq riengkana sumpung lolona tallemme ri awana tanah maruttunge nasibawai lenyeqnana onrong accokkongenna.Seqdi amboq sibawa anaqna makkeumuruq seppulo taung lennyeq napakkua soloqna wae lempeq e,sabaq tengengkanana ureq ajukajung matangkung uwae nennia tahangi lebona tanae.

Seqdi anaqlolo mase-mase sojo matojo pura riengkana siangessoni masemmeng natepeqding madising,ri kuae ro seqdi tau pole orena temmaka laqdeq na reseqdena ro seqdi makkunrai malasa uliq. Ri kuae to ro wettue seqdi worowane temmaka kessinng noq pole ri seqdie oto temmaka kessing teteng taseq liseqna ro taseq e ,sureq-sureq wasseleq atteqbangeng aleq.

Deq to naceqdeq rita sulessuretta iya makurange lolongeng wae mapaccing natennajampa lolang mabela massappa uwae paccing.Pada rita toni ro sulessuretta, mannasu kaddoqbari iya tessitinajaenna rianre.

Ri laing onrong cumpani seqdi makkunrai indoq-indoq mattunu warowo iya sikore warowo pole ri anu weqdinge buruq nennia tempedinge buruq pada-padanna damae,marola tattunu, napedeq maerungnana zat ozonge iya engkae ri laleng hawae.

Agi-agi engkae ro ri aseq muttamai saisaqnai pole ri asolangenna alange iya engkae mompo ri liputa.Iyanae mompo nasabaq acaleongetta na addimunrinna ri asolangenna limpota nennia sinninna iya engkae ri limpota,na ripaccappurenna paompoq i anu majaq iya ripeneqdingie nennia tenripineqdingie.

Sulessureng maleqbiku.

Sitongenna anu makkuae ro ri aseq weqdingi deq napoleiki ,rekko meloq maneng muki mainge lao ri atassalang-atassalang iya purae ripegauq.Deq namacai alange, rekko maeloq muki padecengiwi.Peretiwi ileqja tania tau mattetenge denre tase ro punna,naekia peretiwie pada idi punna makkotoparo anaq eppota matti.Pada napoadae to sulessanata, ”Peretiwie tania manaq pole ri neneta naekia inreng pole ri anaq eppota.” Seppulo,duappulo taung purallaloe ,neneta makkeumuruqe pituppulo taung ,tappere-pereni makkae kaleqbong maeloq mattaneng sibatu kaluku iya engkae ri aseqna ceqde colli,neneta ro temmaqdennuangi buah kalukunna ro nalolongeng,naekia iyami napumenasa buah kaluku natanenge ro, anaq eppona mi matti peneqdingiwi.

Sulessureng maleqbiku.

Tentu pada mamminasaki maeloq tuo madising,siraga-raga nennia sipaddio-rio,naekia rimakkuae ro deq nasilalo paleqmi,naekia engkapa reso mattongettongeng, apaq makkedai tau sulessanata,”Resopa natemmangingi na malomo naletei pammase Dewata seuwae”,bettuanna tempeddingi jaji anu ripuminasaie narekko deq tomattongettongeng pogauq i.

Narimakkuanna na ro uellaui lao ri olo aleqbiretta maneng ,oncopasa lao ri rangeng-rangekku anaq pattolae, barakkuammengi tapada siraga-raga mampiriwi apulanangenna nennia asekkekenna peretiwita.Tapammulaini pole ri anu baiccue, rapanna ri limpota barakkuammengi nadeq napole lempeq e nennia limpota weqdingi makudara, tapada siraga-raga mattaneng aju-kajung,pada natunrengie tau malebita,pammarentata”one man one tree“ nennia “go green” bettuanna napumenasaiki pammarentata mattaneng pong aju-kajung pong mariawa sipong aju-kajung tassedqi tau,makkutopa ro naminasai limpo atuongetta makudara pulana.

Makkutopa ro tapada mannennungenni jagaiwi apaccingenna limpota pappada tapabbiasai aleta makkabeang warowo ri onronna,tapabbiasai aleta paccingiwi solongeng engkae ri seqde bolata,barakkuammengi deq nalele lasa namoq demam berdarae,sabaq makkedai warekkadae ,”Lele bulu tellele abiasang”,bettuanna iya ro abiasange mawatangi ripinra.

Makkutopa ro pada kitanenni rilaleng ati mapaccitta ,tapabbiasai aleta sarekkuammeng nadeq tollele temattebbang aju-kajung,tapabbiasai aleta deq tollele tomakkae tanah,mala kessi nennia mala batu nasabaq maeloqmi mappasugi ale ,naekia tiwi abalaq lao ri anaq eppota matti.Seuwa ada sulessana,”Narekko tempeqdikki mappedeceng pong mariawa ajana tomakkasolang.”Ingerangini sulessurekku ! aqdimunrinna atuotta ri peretiwie nennia wettue weqdingi pole onro,sabaq pole komi ri limpo atuongetta iya engkae ri makkokkoae.Rekko puppuni limpota pupputoni ro atuongetta idi anu makkenyawae.

Sulessureng maleqbiku .

Iyanae urapi upalettukekki ,mamuarei weqdingi papole akketujung lao ridi maneng, oncopasa lao ri sulessurekku,rangeng-rangekku anaq pattolae,barakkuammengi weqdiki tungkai limpota.Padatosa adanna tau sulessanae,”Narekko tania idi igana pale,narekko tania ri makkokkoae uppannapa pale?”

Wassalamu alaikum warahmatullahi wabarakatu

Adek-Kallolo

Ceramah Bugis

Adek-Kallolo

Oleh :

Ahmad Risal SM S,Pd.I

Assalamu alaikum Wr Wb.

Bismillahirrahmanirrahim

Sinninna tomatoa melebbikku, enrengnge silessureng malebbikku engkae hadere…
De’gaga ada kaminang masaro lebbi ri puada, kaminang mappassau kininnawa ipuada, sangadinna ada Alhamdulillahi rabbil alamin, sebagai atanra asukkurukeng maraja tenri gangkata lao ri Puang Allahu Ta’ala, nasaba naweremmopi adising-disingeng, apaulleang, makkotoparo teppe’, sehingga natopada engka hadere ri onroang mabbarakka’e we, de’laing akkatta topada maleo pasilennerengngi salah siddi pakkasiwiang wajitta lao ri puang Allahu ta’ala, iyanaritu tettongiwi sempajang juma’ta sibawa berejama’.

Makkaotoparo shalawa’ enrengnge mappasalama’ sukkuki lao ri ale malebbina Nabitta Muhammad Saw. Nabi iya matarakka`I deraja’na rupa taue, dari derajat yang hina menuju derajat yang mulia, nabi iya engkae mancaji akkacoereng malebbi risesena rupa tauwwe sehingga weddingngi selama’ tuo rilino makkotoparo ri ahera matti’. Insya Allah,,,, Amin.

Sininna umma’ selleng malebbikku engkae hadere..
Rilalenna iye kesempatang mabbarakka’e we, upuminasai palettukengngi ada-ada appasiringerranggeng iyanaritu “Karakteristik Pemuda Remaja Islam” yaregga tomakkeda pekkogiro semestinna sifa’-sifa weddingnge napunnai Kallolo sellengnge.

Sinninna silessureng selleng engkae hadere..
Majeppu sitongeng-tongenna pura mancaji ketentuangngitu makkada de’gaga wedding patterru`i, iyaregga mancaji passelle pole ri tomatoae terutama pemimping agamae, pemimping masyaraka’e, makkotoparo pemimping negarae, sangadinna ana’ mudae mi ritu. Jaji makkuannaro, parellu siseng engka itella`e pembinaan madeceng, parellui ipiara madeceng ana’muda kallolota, sarekkoemmengngi mancaji pattola, yaregga mancaji pemimping makessingngi, sehingga weddingngi makkiguna rilalenna agamae, masyaraka’e, makkotoparo bangsa negarae.
Narekko pada ritai keadaanna saisa’ ana’mudae makkokkoe, maega ladde pugau anu masala, iya weddingnge makkasolang-solang baik ri alena makkotoparo ritau laingnge. Contohna iyanaritu maega ana’ muda makkokkoe, iyapa naseng alena jago narekko minung minuman kerasni, mannarkobani, mabbaronta’i, dan lain-lain sebagainya.
Olehnya itu, idi’ sininna silessureng malebbi’ku para pemuda harapan bangsa, pada laoni’ mai natopada padecengi ampe kedota, topada makkigunangngi sininna potensi iya ripunnaiyye lao rilaleng madecengnge, sehingga weddingngi’tu makkiguna lao ri agamae, masyaraka’e, bangsa dan negarae. Nasaba sitonget-tongenna idi pemudae, punnaiki kekuatan besar untuk melakukan suatu perubahan yang lebih baik ri tengngana masyaraka’e. pada toha napuada Presiden Sukarno makkada : “kau berikan aku seribu generasi tua,itu tidak ada artinya bagi saya, akan tetapi disaat engkau memberikan aku sepuluh generasi muda, maka niscaya akan ku goncangkan dunia ini”.
Sininna silessureng malebbi’ku enreng’e tomatoa malebbi’ku engkae hadere.
Tentu muncul pakkutana rilaleng ati makkada, pekkogiro sifa’-sifa’ yang semestinna napunnai tassiddie pemuda…???
Menurut  ale malebbina Gurutta Dr. M. Manzoor Alam, kriteria dan sifat-sifat dasar untuk menjadi seorang pemuda Islam yang ideal adalah sebagai berikut :

1.            Pertama, Mateppe Nennia Mappassewwa Lao Ri Puang Allahu Ta’ala.
Makkadai Puang Allah SWT rilaelnna Aqorang Malebbi’e :

øŒÎ)ur tA$s% ß`»yJø)ä9 ¾ÏmÏZö/ew uqèdur ¼çmÝàÏètƒ ¢Óo_ç6»tƒ Ÿw õ8ÎŽô³è@ «!$$Î/ ( žcÎ) x8÷ŽÅe³9$# íOù=Ýàs9 ÒOŠÏàtã


Ingngerrangngi riwettu makkadana Lukman lao ri ana’na, riwettu napaaggurunna makkada: "Hai anakku, Aja’ lalo mupadduai Puang Allahu ta’ala, majeppu sitongeng-tongenna mappadduae merupakangngi dosa maraja.".

Bettuangenna ada, kita sebagai pemuda haruski pakanjaki appassewwangnge lao ri puang Allahu ta’ala, nasaba pekkogi carana tumelo melakukang perubahan yang lebih baik narekko pondasi teppe’ta lao ri Puang Allahu ta’ala de’pa namakanja. Aja’ laloki gaga nengka lao massompa rilaennae puang Allahu ta’ala. Nasaba termasukki tu tao rogi, tau engkae rilaleng dosa loppo e. Alenami Puang Allahu ta’ala yonroi massompa, Alena tomi yonroi millau tulung. Sebagai atanna Puangnge waji’ki tu untuk laksanakangngi sininna parentana, makkotopari ininiriwi sininna pappisangkana.

2.            Kedua, Mappideceng Lao Ri Duae Pajajianna
Menurut ale malebbina Gurutta makkada, naiyya tau kaminang mareppe e asisumpungenna lao ri ana’e, nennia kaminang maega jasa-jasana, iyanaritu duwae pajajiatta. Nasaba alena simata piaraki nenniya didi’ madecengngi. Bahkan indo ambo’e nassabari to engka ri lebo’na tanae. Jaji makkuannanaro pada iwajikengngi idi untuk mappideceng lao ri duae pajajiatta.
Makkadai puang Allahu ta’ala rillaenna aqorang malebbie surah Annisa ayat 36:

 (#r߉ç6ôã$#ur ©!$# Ÿwur (#qä.ÎŽô³è@ ¾ÏmÎ/ $\«ø‹x© ( Èûøït$Î!ºuqø9$$Î/ur $YZ»|¡ômÎ)


Pada sompai puang Allahu ta’ala, na aja’ mupadduai ri sewa-sewae, nenniya appidecengngi lao riduae pajajiatta.

3.            Ketiga, Senantiasai Mattuntu’ Paddisengeng
Makkadai Nabitta Muhammad Saw rilaleng haddese’e:

بِالْعِلْمِ فَعَلَيْهِ أَرَادَهُمَا وَمَنْ بِالْعِلْمِ فَعَلَيْهِ الأَخِرَةَ أَرَادَ وَمَنْ بِالْعِلْمِ فَعَلَيْهِ الدُّنْيَا أَرَادَ مَنْ
(Man Arada dunya fa'alaihi bil 'ilmi Waman aradal akhirati fa'alaihi bil 'ilmi waman arada huma fa'alaihi bil 'ilmi)
“narekko meloki salama’ tuo rilino, harus dengan ilmu, narekko meloki salama ri ahera’, harus dengan ilmu, narekko meloki salama rilino makkotoparo ri ahera, haruski tuntu’ paddissengeng (ilmu).

  مُسْلِمٍ كُلِّ عَلَى فَرِيْضَةٌ الْعِلْمِ طَلَبُ
(Tholabl 'ilmi faridhatan 'ala kulli muslim)
“Menuntut ilmu itu wajib bagi setiap muslim”

Bettuangenna iyanaritu, pura iwajikengngi idi umma’ sellengnge untuk tuntu’ paddissengeng, baik paddissengeng agama, makkotoparo paddissengeng umungnge. Nasaba salah siddi kuncinna narekko meloki salama tuo rilino makko toparo ri ahera iyanaritu haruski punnai paddisengeng. Sehingga narekko punnaini paddissengeng, insya Allah napatarakkanitu deraja’ta Puang Allahu ta’ala.

Æìsùötƒ ª!$# tûïÏ%©!$# (#qãZtB#uä öNä3ZÏB tûïÏ%©!$#ur (#qè?ré& zOù=Ïèø9$# ;M»y_u‘yŠ              


Majeppu Puang Allahu Ta’ala napatarakkaitu tau mateppe’e ri pallawangemmutu mennang, makkotoparo tau iwereng paddissengeng ri pallawangemmutu dengan  beberapa derajat.

Makkotoparo paimeng makkada narekko punnaiki paddissengeng, tenro-tenroki monro, tette’ki tu natarima madeceng masayaraka’e, selama ipagguna madecengngitu lao rilaleng napparentaengnge Puang Allah ta’ala. Olehnya itu, sebagai generasi muda penerus pembangunan bangsa, waji’ki tu untuk tuntu’ paddissengeng, bara kuammengngi insya Allah matti weddingngitu tapakkiguna untuk kepentingan Agama, bangsa dan negarata.

Sinina umma selleng silsessureng malebbiku engkae hadere…

4.            Keempat, Iyanaritu Haruski Punnai Sifa’ Malempu dan Bertanggungjawab,
Salah siddi bokong iya weddingnge napunnai pemuda Islam iyanaritu Sifa’ Jujur (malempu`e). Nabitta Muhammad Saw adalah akkacereng malebbi ri sesena idi’ tau linoe. Riwettu malolona, Nabitta terkenal sebagai orang yang jujur (tau malempu) sehingga iwereng gelar Al-Amin. Iyanaritu riwettu Nabitta lao dangkang sibawa tau Quraisy’e, de’ nengka namaceko-ceko, de’ nengka na mabbelle sehingga maega tau pojiwi nabitta. Olehnya itu, iyana sifa’ weddingnge napunnai tasiddie ana’ muda sebagai generasi penerus pembangunan bangsa. Nasaba’ narekko lairita keadaanna negarata makkukkue, Maega sesanna pejaba’ nasalahgunakangngi jabatanna untuk kepentingan pribadi, sehingga tannia pato eganna pejaba’ melakukan iyasengnge korupsi, nalai agaga iya tennia mancaji hakna. Sehingga napancaji rogini negarata, masyarakat miskin semakin meningkat dan pengangguran marajalela.
Olenya itu pada ituntu’ki tu untuk belaku jujur dan bertanggung jawab terhadap amanah yang diberikan kepada kita.


5.            Kelima, Menjalin Ukhuwah Islamiyah.
Iyaniru asisumpungetta ri padatta ripancaji. Makkadi puang Allahu ta’ala rilalenna aqorang malebbi’e:

$yJ¯RÎ) tbqãZÏB÷sßJø9$# ×ouq÷zÎ) (#qßsÎ=ô¹r'sù tû÷üt/ ö/ä3÷ƒuqyzr& 4 (#qà)¨?$#ur ©!$# ÷/ä3ª=yès9 tbqçHxqöè?

Bettuannna: majeppu iyamanenna tau mateppe’e masselessureng manengngi’tu, narimakkuannaro padecengiwi asisumpungetta lao ripallawangenna silessuretta nenniya pada mitauki’ ri Puang Allahu ta’ala sarekkoammengngi topada riyamasei.

Sininna tomatoa malebbi’ku enrengnge silessureng malebbi’ku engkae hadere.
Iya itellae massilessureng, iyanaritu yulle merasakangngi aga narasakangnge silessurenna. Mampu rasakangngi aga kebutuhanna silessurenna. Narekko engka kebutuhanna silessuretta, waji’ki tu saling membantu, nasaba iyaro umma sellengnge pada laona siddie bangunan yang saling menguatkan antara satu dengan yang lain.  Aja’ laloki nengka sisala-sala ripadatta rupa tau, nasaba iyanatu nassabari de’na turung pammasena Puang Allahu ta’ala.

(#qßJÅÁtGôã$#ur È@ö7pt¿2 «!$# $Yè‹ÏJy_ Ÿwur (#qè%§xÿs? 4 (


Pada makkatenni masse’ko ritulu temmappetunna Puang Allah ta’ala, nenniya aja musi abboko-bokoreng…
Sebagai kesimpulang, pada laoni’mai topada padecengiwi ampe kedota, khususnya silessureng malebbiku para generasi muda yang nantinya kelak akan menjadi generasi penerus pembangunan bangsa. Makkotoparo tomatoa malebbi’ku, pada laoni’mai pada iperhatikangngi ana’ta, tapakanjakiwi pembinaanna, bara’ koammengngi weddingngi napitangngi deceng, baik rilino makkotoparo ahera’ matti insya Allah. Begitupula kepada pemerintah, agar kiranya senantiasa memberikan perhatian khusus kepada para pemuda untuk kembangkangngi potensinna. Intinya untuk mencapai Generasi muda islam yang ideal, perlu engka kerjasama dari semua pihak, baik Pemuda itu sendiri, Orangtua, maupun Pemerintah sehingga bisa terwujud Masyarakat Madani, baldatun Thoyyibatun Warabbun Gafur…. Amin ya Robbal Alamin…
Minalahil Musta'an Wa Alaihit Tiklan...
Wassalamu Alaikum Wr Wb.