5 Passeleng Tettonna Sellengnge
Pada laoni’ mai natopada sukkuru’ mappoji lao risese arajanna puang Allahu ta’ala iyya pammulang tenri pammulang’I iyya to paccappureng nade’gaga paccappurenna. Nasaba’ akuasangenna ritu napinrengiki’ umuru makkutoparo ajjappang na to pada engka rionrong masero malebbi’e.
Salawa’ nenniya pappassalama’ masse’ lao ri tau ri pojinna puang Allah SWT. Iyya pura rilanti’e mancaji suro nenniya mancaji akkacoereng lao ri idi umma’ selleng’E.
• Sining umma’selleng ya engkae hadere
Rilalennai iyyae negarata Indonesia ricatai makkedae engka sekitar 88 % tau beragama Islam. Jadi engka sekitar 209 juta tau mangngaku beragama Islam, mangngaku sebagai umma’na Muhammad SAW. Termasuk toni idi’ maneng iyya engkae rilaleg enrong masero malebbi’e.
Naiyya mancajie alebbirenna agama selleng’e iyyanaritu agama kaminang napurioe risesena puang Allahu ta’ala iyyanaritu agama selleng’e situru’ adanna puang Allahu ta’ala rilaleng Akorang malebbi’na Surah Al Imran : 19
•
19. Sesungguhnya agama (yang diridhai) disisi Allah hanyalah Islam. tiada berselisih orang-orang yang telah diberi Al Kitab[189] kecuali sesudah datang pengetahuan kepada mereka, karena kedengkian (yang ada) di antara mereka. Barangsiapa yang kafir terhadap ayat-ayat Allah Maka Sesungguhnya Allah sangat cepat hisab-Nya.
Momppoi seddie pakkutana lao ri idi’ maneng makkadae engka muiga iyyaro asellengetta, selleng tongeng-tongeng padatoha irampewe rilaleng akorangnge nennia haddese’e. Jakkamma idi’mi mangngakui aleta selleng, naiyya kiya de’ naselleng pangkauketta, de’ narijamai iyya mancajie rukunna sellengnge.
Sining umma’selleng ya engkae hadere
Upakkulingiki paimeng rokonna sellengnge iyya narampewe Nabitta rilaleng haddese’ riwaya’na pangngulutta Bukhari Muslim.
“Tettongi selleng’e nasaba 5 passaleng”
1.
“Engkatta sabbingiwi makkeda de’gaga puang sangngadinna puang Allahu ta’ala, nenniya risabbingi toi makkeda sitongeng-tongenna Muhammad suronai puang Allahu Ta’ala.”
Iyyahe syahada’e mancajiwi rokong mamulanna sellengnge iyya ripaue paling cedde makke 9 sesso siwenni rilalenna sempajangnge. Iyyahe mancaji rokong mamulanna sellengnge nasaba narekko ripauni syahada’e berarti sadiani kuritu pugaui sininna konsekuensi sebagai seorang Muslim, termasuk pugaui iyya mancaji’e kewajiban iyya pura napattentue puang Allahu Ta’ala. Iyya tona tu nade’ nariwajikeng massempajang, mappuasa, massekke, nenniya hajji, tau de’e naselleng nasaba’ de’ metto nassadia jamai rokonna selleng’e.
2.
“tettongi sempajang’e” jaji rukun maduanna selleng’e iyyanaritu tettongi sempajang’e. Iyyahe sempajangnge seddi ibadah iyya natarima lansung’e nabitta Muhammad SAW. Riwettunna Isra’ Mi’raj. Sehingga mancaji’e alebbirenna iyyanaritu narampewe nabitta rilaleng haddese’na;
“naiyya sempajang’e paggoncinna suruga” nenniya
“naiyya sempajang’e paggoncinnai sininna deceng’e.”
Jaji narekko maelo’ki duppai siaga’e egana pahalana sininna appalatta rilaleng surugana puang Allahu ta’ala. Mesti tiwikki’ iyyaro paggoncinna iyyanaritu sempajangnge. Ebara’i lamari penno agaga rilaenna narekko de’i gaga goncinna taita bawammi tabbajo-bajo nade’ taulle malai.
3.
“Mappessu’ sekke’e” mancaji toi kewjiban laori Idi’ Umma selleng’e, barakkuammeng’I taisseng’i yaregga tapahang’i makeda sininna waramparang’e nenniya dalle’e anunna maneng puang Allahu Ta’ala, naiyyakiya naweremmi amanah untuk kuasaiwi naiyyakiya waji’e riassekkereng. Nasaba’ rilalenna waramparatta engkato saisa’ mancaji hakna tau laingnge.
•
24. dan orang-orang yang dalam hartanya tersedia bagian tertentu,
25. bagi orang (miskin) yang meminta dan orang yang tidak mempunyai apa-apa (yang tidak mau meminta),
Jaji narekko engkaki pessui sekke’na waramparatta berarti engkaki paccingiwi waramparatta pole ri hakna tau laing’e.
4.
“Mappuasa riuleng Ramalang” naiyya tosi puasa’e nalatiki’ bara’kuammeng’I leppe’ki pole riabiasanna jasmanitta nennia rohanitta. Dengan puasa seorang muslim akan siap makan kapan saja sesuai dengan rezki yang Allah berikan kepadanya. Bettuanna namu pekkugi lupu’na seddi’e selleng de’ to nainnau, dia tidak mungkin mencuri. Makkutoparo barakkuammeng’i weddittoi nakuasai hawa napsunna, pole ri gau nappesangkang’e puang Allahu ta’ala.
5.
“menre’ hajji bagi yang mampu” naiyya tosi Hajji’e mancajiwi latihan barakkuammeng’i sininna tau selleng’e napahang’i nenniya napogau’ toi sifa’ assedi-seding’E makkutoparo sifa’ persamaan derajat’e lao risininna tau’e, iyyanaritu riwettunna wokkofo ri Arafah. De’ gaga appassilaingeng namuni beda bahasana, negarana, bangsana nenniya kedudukan sosialna. Nasba’ riwettue ro pada maneng’i kedudukanna riolona puang Allahu ta’ala pada mellau addampeng nenniya pammase.
Sining umma’selleng engkae hadere.
Jaji iyyanaro 5 passaleng narampewe nabitta iyya mancajie rokonnai selleng’e. Jaji ebara’I seddie bola yarega bangunan iyyaro rokonna selleng’e mancajiwi alliri yaregga pattumpa’na asellengena seddi’e rupa tau. Narekko de’i gaga sala seddinna de’ naullei tettong madeceng asellengenna...
Riseddie wettu nabitta Muhammad SAW. Ripappilei ri tau Qurais’e. Ri makkedanna e...muhammad aga mueloki Waramparang siaga’e egana, pangka matanrede, yaregga makkunrai makessing’e rikampong’e. pilei kuro tegae muji’e, tapi salai iyyaro agama mutiwi’e iyyanaritu agama sellemmu. Agana naseng Nabitta Muhammad SAW. Demi Allah, namuni matanna esso’e nataro rijari ataukku’ yaregga uleng’e nataro rijari abiokku. Majeppu de’ usalai iyyahe utiwi’e de’ usalai iyyahe agama selleng’e gangkanna menangngi yahe agamaku yarega na binasaka.
Sining umma’ selleng engkae hadere
Iyyanaro sala seddinna sifa’na Nabitta ya wedding’e mancaji akkacoereng lao ri Idi’ maneng umma’na namu aga rewereng’i nabitta de’to naelo’ balu’i agamana. Mamuare’i pada engkaki mancaji umma’ tongeng-tongeng ri nabitta Muhammad SAW. Naritettongeng rokonna selleng’e barakkuammengi enkaki’ mancaji selleng tongeng-tongeng nariruntu’ asennang-sennangeng’e ri lino nenniya asalamakeng’e riakhera. Insya Allah.
.png)
.png)